Mepianak Bareng

dikutip dari Berita Orti Bali
31 Oktober 2010 | BP
Pasamuan Agung Majelis Désa Pakraman Bali,
Saking Mapanak Bareng Ngantos Kasepékang
Pasamuan Agung kaping Majelis Désa Pakraman (MDP) Bali kaping tiga sané kamargiang duk rahina Sukra Umanis Ukir, tanggal Masehi 15 Oktober 2010, ring Wiswasabha Utama, Kantor Gubernur Bali, Renon, Dénpasar, prasida mamargi antar tur ngamedalang pamuus becik. Ring sajeroning pasamuan kabligbagang makudang-kudang indik. Ring makudang-kudang indik punika wénten papat unteng sané kalintang mabuat lan patut kauratiang olih krama Baliné sami. Papat uneng inucap minakadi indik genah Anak Istri Bali ring Kulawarga lan sistem pewarisan, Pawiwahan lan papalasan, indik krama tamiu lan tamiu miwah sanksi adat kasepékang lan kanorayang.

Ngenénin genah anak istri Bali ring kulawarga lan sistém pewarisan Pasamuan nyumpuang makasami pianak, lanang istri miwah paperasan sané durung marabian madué hak sané pateh majeng artha brana kulawarganyané. Kénten talér ring anak istri lan lanang sané marabian. Anak istri miwah lanang sané nyeburin wenang nrima warisan majalaran antuk ketékan ategen asuun (kalih mabanding siki, inggih punika: yéning anak lanang sané dados ahli waris sané kabaos purusa molihang asiki, anak istri miwah lanang sané marabian utawi nyentana molihang warisan atengannyané. Kénten taler ri pété ipun mapalasang, pacang mawali bajang utawi truna sané kabaos mulih bajang lan mulih truna, mawinan taler madué hak lan kewajiban sané pateh kadi kawéntenannyané sadurung marabian. Kawéntenan puniki mamargi sangkaning anak istri sané marabian, miwah anak lanang sané nyentana utawi nyeburin wantah kabaos ninggal kedaton sementara.

Indik pawiwahan, Pasamuan Agung ring Wiswa Sabha, kantor Gubernur, ring Renon puniki ngamedalang pamuus indik kaapusnyané pawiwahan sané kabaos nyerod lan kawéntenan banten patiwangi. Kénten taler majeng krama lanang istri sané tan mrasidayang ngamargiang pawiwahan ngarorod miwah nyentana, prasida katepas antuk ngamargiang pawiwahan sané kabaos Mapanak Bareng utawi Négen Dadua. Keputusan pesamuan Agung indik pawiwahan Maoanak Bareng ring sawengkon Bali, kaaptiang olih Luh Putu Haryani, S.E., M.M., Kepala Badan Pemberdayaan dan Perlindungan Anak Provinsi Bali kaaptiang prasida dados sundih ri kala kulawarga-kulawarga Baliné nemu kapetengan.

“Nénten ja wantah oka lanang kémanten pinaka pewaris, oka istri taler pateh, duaning waris punika nénten wantah indik artha brana lan tetegenan mrajan lan pura kéwanten taler rah, gén, lan swadharma. Semaliha nénten ja sami kulawarga-kulawarga krama Baliné madué oka akéh lanang-istri, wénten taler sané wantah madué oka istri kéwanten. Mangdané kawéntenan puniki nénten dados pikobet abot pungkuran, patut karerehang pamargi. Pawiwahan Mapanak Bareng sayuwakti becik pisan anggén nepas pikobet kaputungan lan ngajiang oka-okanné i ragané,” baos dané.

Kawéntenan pablibagan sayan ramia ri kala maosang indik pamidanda sané kabaos kasepékang. Pabligbagan kadi mamucu dados kakalih, asiki sané kukuh mangdané krama sané kéni kesepékang tan kadadosang ka pura lan ngawigunayang sétra. Kukuhnyané para béndésa adat nibénin pamidanda kadi punika duaning manut para bendésa adat wantah sangkaning pamidanda punika pacang prasida ngawi désa adaté mataksu. Yadiastun pangawitné wénten pamilet sané kukuh ring sanksi kasepékang, pamuputné pasamuan muusang, sanksi kasepékang wantah nguwusan abosbos kramané mapikobet pinaka krama désa utawi banjar, kéwanten sadurung nedunang pamidanda kasepékang, prajuru patut sadurungné ngamargiang palétan-palétan pamidanda. Selami kasepékang krama inucap nénten molihang panyanggran (nénten molihang suaran kulkul ring sajeroning pidabdab kasukadukaan), kéwanten dados mabakti ka pura lan nganggén sétra. (ita)

[ Kembali ]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s